تصريحات نارية لباهر المحمدي: سنحارب من أجل الإسماعيلي
كتبت: يمنى محمد
تحدث باهر المحمدي ثاني قائد للإسماعيلي و مدافع الفريق الحالي في إحدى القنوات الفضائية و أدلى بتصريحات كثيرة حول مصيرة مع الإسماعيلي و المنتخب الوطني.
و هنا نسرد لكم تصريحات باهر المحمدي..
قال باهر: “الفترة اللي فاتت كانت فترة صعبة جدا ع اللاعيبة قبل الجمهور و كابتنة النادي الاسماعيلي حاجة كبيرة جدا و المسؤولية بتزيد”
تابع: “المهندس ابراهيم عثمان واعد اللاعيبة انهم يعملوا حاجة للنادي الاول و نجيب بطولة و بعدين نحترف برا مصر”
أضاف: “أعد الجمهور بإن مركز الاسماعيلي هيتحسن و هنحارب عشان نعيد الاسماعيلي لمكانتة الطبيعية و الدخول للمربع الذهبي”
استطرد: “المهندس ابراهيم عثمان اسمعلاوي اصيل و بيحب الاسماعيلي جداً و عايز يعمل حاجة للنادي”
وتطرق للحديث عن الزمالك قائلا: “انا اتظلمت جدا في الزمالك و اتحسبت على احمد حسام ميدو و كان عليا ضغط كبير جدا و كانو عايزني انزل العب مع الناشئين وانا رفضت”
تابع: “انا اسمعلاوي ولو اتقدم عليا عرض من الاهلي و الزمالك الادارة هترفض و لو مشيت هيحصل جناية في اسماعيلية”
مضيفا: “مش مصدق اني دخلت المنتخب ولا مصدق اني جبت جول في تونس و صلاح هو اللي مبشرني بالجول”
أكمل: “بحب مركز الثرد باك اكتر و كنت بتحايل ع المدرب انة ميلاعبنيش باك رايت و يثبتني في الدفاع، أستطيع اللعب تحت ضغط الجمهور و الجمهور المصري دائماً عامل قوة للاعيبين”
تابع: “‘زعلت على رحيل الحضري من الاسماعيلي و هو رمز كبير جدا و اتمناله التوفيق”
اختتم”حلم حياتي العب في الدوري الانجليزي و اتكلمت مع حجازي في الاحتراف، اوعد الجماهير بتحسين مركز الاسماعيلي بالدوري و بتقبل النقد اياً كان”
