علي أبوجريشة: اللاعيبة مش هتلعب عشان خاطري ودوري ٩٠ له ذكريات خاصة
صرح علي أبو جريشة أسطورة وهداف النادي الإسماعيلي في عصره الذهبي و صاحب أربع بطولات داخل النادي الإسماعيلي، تصريحات حول ذكرياته مع دوري 90 الذي أحرزه الإسماعيلي، بجانب وضع الإسماعيلي في الفترة الحالية وتعليقه على تصريحات فاروق جعفر .
وعن ذكريات دوري 90 أسرد أبوجريشة أن الإسماعيلي كان مر بظروف صعبة و خرج من كأس مصر ، اجتمعنا وحصل نقاش زي ما بيحصل بعد الكوارث والهزايم ودايما الحاجات دي بتبقا مفيدة ، وانك تخرج من فريق متواضع عملية مهينة لجماهير اسماعيلية .
وتابع علي أبو جريشة: قعدنا مع كابتن شحته واتفقنا ان لازم يبقا فيه تغيير ، واتجاه الادارة كان كدة بوجود عبد المنعم عمارة والتغيير فرض تفسه علينا و توفقنا في ضم بعض العناصر المغمورة الممتازة زي عصام عبد العال وبشير عبد الصمد وحمزة الجمل وادهم السلحدار وياسر عزت .
وقال: بدأنا بدري مع كابتن شحتة قبل الدوري ب 3 شهور عشان نبحث كويس عن لاعيبة وبعدها فترة اعداد قوية
وعن موقف جمهور الإسماعيلي أكد: الجمهور كان بيهاجمنا و دا أمر طبيعي بعد الإخفاق وتقبلناه لإن الإسماعيلي نادي كبير وله جماهيرية كبيرة
ووضح: كنا نقوم بفرز اللاعبين ونبحث عنهم في القرى
وتابع أبو جريشة: روحنا اتفرجنا على الفريق اللي كسبنا 3 في الكاس و لقيت ولد صغير بيجري و هو الوحيد اللي لفت انتباهنا في الفريق و طلع ادهم السلحدار
وعن طريقة ضم اللاعبين أسرد: ايمن رجب جالي وقالي عبد المنعم عمارة مواعدني لو جالي حاجة ممتاز همشي اتفقت معاه يجيلي يوم الخميس يبات معانا ويلعب ماتش ودي امام الاوليمبي وكان موفق و كالتن شحته اعجب بيه و ضمناه
وعن حمزة الجمل قال: في اول ماتش له مع الاسماعيلي كان باك ليفت امام الاهلي .
وأوضح: كابتن شحته كان عنده نظرية ان اهم حاجة ميجيش فيا جول وبعدين احاول اكسب وليس طريقة دفاعية
وتذكر: أول بطولة حققتها مع الاسماعيلي كان لها فرحة خاصة عشان الاعلام دايما يقول الاسماعيلي فريق جيد بس مش بتاع بطولات
وأكد فاكهة الكرة المصرية: دور الاندية انها تطلع لاعبين للمنتخبات والاسماعيلي ياما خدم المنتخب وانا مودي حسني وفتحي ب ايدي للمنتخب
و تابع: سر كلمة هر لما روحت المانيا و ساعتها المعلم عثمان رفض اني اسافر بسبب احتياجي في بطولة افريقيا و كابتن علي زور سبب لقب الفاكهة
وقال: مفيش لاعب شبه التاني ممكن يبقو قريبين بالمهارات ولكن مش شبه بعض
وعن تصريحات فاروق جعفر قال: خانه التعبير ومكنش موفق في اللي قاله واعتقد انه تراجع عن اللي قاله لأنه ظلم اجيال واحنا قريبين جدا على المستوئ الشخصي
وقال: رضا كان بالنسبة لنا اسطورة كان لاعب موهوب وقوي و كان سبب اننا نتابع الاسماعيلي وكان وقتها احسن لاعب في مصر ولعبت معاه مباراة وحيدة ودية امام المصري
وأكد أبوجريشة: اللاعبين لازم تشعر بالامان و دا اهم من وجودي داخل الاسماعيلي واللاعيبة مش هتلعب عشان خاطري ، الاسماعيلي لازم يكون ليه دخله وعدم الاعتماد على اشخاص ومش هفضل ابيع في لاعيبة و اطلب ان الاسماعيلي يكون في مكانة كويسة
ثم: المهم يبقا عندك بديل قوي للاعب اللي هيتباع زي ما عملنا وقت دوري 90 قدرنا نلم فرقة تاخد الدوري
وأخيرا صرح أن عماد سليمان من احسن اللاعبين اللي دخلت الاسماعيلي بجانب محمد حمص
إقرأ أيضاً
