أحمد سمير فرج يفتح النار على رئيس الإسماعيلي: “ظالم والكل يدعم عمر الوحش”
علق لاعب الإسماعيلي السابق المعتزل أحمد سمير فرج على الصورة المنتشرة عبر مواقع التواصل الاجتماعي للاعب النادي الإسماعيلي اللاعب عمر الوحش .
يذكر أن لاعب الفريق الأول بالنادي الإسماعيلي عمر الوحش، يتم اسنبعاده دائما من مران النادي الإسماعيلي والمشاركات الودية و الرسمية بقرار من مجلس الإدارة برئاسة إبراهيم عثمان .
وقد تم استبعاد اللاعب اليوم من سيشن التصور الخاص بلاعبي الفريق الأول للنادي الإسماعيلي حيث علق أحمد سمير فرج قائلا “الظلم وحش هتيجي ماتشات يدخل جون فيك جون في اخر الماتش وماتشات هتكون كويس ومتكسبش عمر الوحش هيكون السبب كل الظلم الجمهور كله اتكلم فيه انت خليت كل الجمهور اللي مبيحبش عمر يحبه ويدعمه عمل ايه لده كله عشان الفرقه كلها تاخد فلوسها وهو لا عمل ايه عشان يقعد ياعم سيبه يمشي انت حتي عاوز تخلص عليه وعاوز توديه نادي تعبان عشان ميلعبش ويظهر انت ظالم يابراهيم من مهندس ايه العنجهيه اللي انت فيها دي اومال لو السنه اللي فاتت عامل موسم حلو وكنت بتنافس ده احنا كنا اضحوكه الدوري علي رأي كابتن ابوجريشه ده غير اللاعيبه اللي مشيتها من غير متديها مستحقتها والاعيبه اللي خليتها في قايمه الانتظار محدش خيره علي النادي الاسماعليه خيرها ع الناس كلها وانت واخوك واهلك مديونيين للنادي والجمهور ياظالم ليك يوم وانت هتكون سبب نسيان اسم العثامنيين للابد في اسماعليه كلامي ملوش دعوه بالصوره انا لسه منزل بوست من يومين عشان مترجعش تقول ده كان مصاب ولا بيلف الملعب ياظالم ليك يوم اعتبره ابنك ولا اخوك هترضي يتعمل فيه كده”.
