وضع مرتضى منصور رئيس نادي الزمالك عدة شروط قبل خوض مباراة جينيراسيون فوت السنغالي في إياب دور الـ 32 من بطولة دوري أبطال إفريقيا، المحدد لها يوم 24 أكتوبر الجاري.
وقال رئيس نادي الزمالك خلال تصريحات تليفزيونية لبرنامج الزمالك اليوم الذي يبث عبر قناة الحدث الفضائية: “هلعب في ستاد القاهرة، جمهور الزمالك هيحضر، الماتش مفيهوش هزار”.
وتابع: “كل واحد خايف على منصبه يطلع قرارات على هواه، أنا مش هسمح بكدة، ده ماتش مصيري مش هضحك عليا العالم، الفريق السنغالي يكسبنا يقولوا الفاشل مرتضى، لا ده مش شغلك ده شغلي أنا والاتحاد الإفريقي، 3000 واحد إيه من الجمعية العمومية أخدهم الماتش”.
وأكمل: “لو مش عايزين كورة قولوا عشان نقفل الدكان ونعملها رحلات، حتى لو وصل الموضوع لرئيس الجمهورية، مش هلعب غير في ستاد القاهرة، إحنا عندنا شرطة محترمة بتعرف تأمن”.
وأضاف: “طلبنا اللعب في ستاد القاهرة وحضور 20 ألف مشجع على الأقل، الآن تم اختيار ملعب السلام مع اللعب بدون جماهير، ولن أقبل بذلك، كفاية عيشنا في أزمة 15 يوم”.
وشدد: “أشعر أن سيادة اللواء يريد إخراجنا من البطولة، بدل ما ينسحب الفريق السنغالي ننسحب إحنا، نادي الزمالك مش صغير، اجتماع أمني ليه؟ حضرتك عايز مني إيه؟ إحنا اللي أتحملنا المصيبة، إحنا كنا هنخرج من البطولة لولا إني وقفت وفضحت الدنيا”.
