طالب رضا عبد العال نجم الأهلي والزمالك السابق بضم محمد أبو جبل حارس الزمالك لمنتخب مصر وأن يصبح حارس المنتخب الأول بعد تألقه خلال مباراة الجونة الأخيرة والتي انتهت بفوز الزمالك بهدفين دون رد.
قال رضا عبد العال في تصريحات عبر قناته الرسمية على يوتيوب: “أبو جبل كان نجم وبطل مباراة الجونة، ولازم يبقى الحارس الأول ورقم 1 لمنتخب مصر، الشناوي حارس الأهلي مش بيجي عليه أي اختبارات إنما أبو جبل طول الماتشات في اختبارات وبينجح فيها”.
أضاف رضا عبد العال خلال تصريحاته: “الروح عادت للاعبي الزمالك ولكن أوناجم صفقة فاشلة أنا مازلت مصمم مصطفى فتحي إذا حصل على فرصة مثله هيجر فرقة وراه وأنا متأكد من اللي بقوله، أوناجم إهدار مال عام وبيلعب عشان أمير مرتضى اللي جايبه مش أكتر”.
وتابع عبد العال حديثه: “لو الشيشيني هو اللي بيدير خلاص نمشي كارتيرون القطة السيامي ملهوش لازمة، أنا عندي معلومة ومش هقولها دلوقتي ولكن عندي إحساس إن الشيشيني هو اللي بيدير، يبقى الراجل كارتيرون بياخد فلوس على الفاضي”.
واختتم: “لازم مصطفى فتحي يتم تجهيزه لمباراتي السوبر أمام الترجي والأهلي، هو اللي هيرجح كفة الزمالك”.
