أمير مرتضى يتحدث عن مصير طارق حامد مع الزمالك

كتبت: سارة عبد الباقي

تحدث أمير مرتضى المشرف العام على فريق الكرة بنادي الزمالك، عن بعض ما يخص الفريق الأبيض، عقب انتهاء مباراة الأهلي التي خسرها فريقه بهدف نظيف، أحرزه التونسي علي معلول.

وأكد أمير مرتضى عبر تصريحات تليفزيونية، أن مصير طارق حامد لاعب الزمالك، سيتم تحديده عقب عقد جلسة مع اللاعب خلال الأيام المقبلة.

حيث قال: “طارق حامد هنقعد معاه ونشوف رغبته إيه، هو مش صغير، هو 30 سنة دلوقتي، ولو جاله عرض كويس ممكن ميتكررش تاني”.

وأضاف: “طارق حامد له مكانة خاصة عندنا، رغبتنا استمراره مع الزمالك، بس احنا لسة متكلمناش معاه، وهو نفسه قال محدش يكلمني عشان عندي دوري”.

وأكمل: “طارق حامد من الناس اللي مش واخدها حقها، هو يستحق كل شيء كويس، محترم وملتزم وبيحترم كلمته وبيخلص للمكان اللي هو فيه، أنا بشكل شخصي عايز طارق حامد يقعد مع الفريق، ومجلس الإدارة نفس الكلام، ولكن سنجلس معه للتعرف على رغبته”.

وعن محمد إبراهيم قال المشرف على الكرة: “محمد إبراهيم مكنش عايز يجدد في يناير اللي فات، وده اللي أدى لفشل صفقة رحيله، كان المفروض يمشي في يناير، وجروس كان موافق، محمد إبراهيم ناقص في عقده سنة واحدة ومينفعش يمشي بإعارة، رحيله عن الزمالك ملهوش علاقة مستواه لأنه قدم كل ما عنده”.

وكان مجلس إدارة نادي الزمالك أعلن عن عرض محمد إبراهيم للبيع عقب انتهاء مباراة القمة.