تحدث مدير الكرة بفريق الكرة الأول بالنادي الإسماعيلي الكابتن صبري المنياوي عن الأوضاع الحالية بالفريق و رأيه الخاص في رحيل الثنائي محمد عواد ومحمود متولي.
لم نغلق ملف الانتقالات مازال هناك صفقتين او تلاتة قد يكون منهم اتنين باك شمال لاننا نعلم ان هناك نقص بهذا المركز
علاقتنا مع الاهلي والزمالك عادية ولا فارق معانا مين يروح فين او مين يكسب ايه الاتنين بالنسبالنا واحد
عواد مواقفه غريبة انا اللي طلعته لما كنت مدرب وكذلك كابتن محمود جابر وعطية كلهم دربوه انما هو عمل حاجات غريبة للاسف
بعد ما اتمرن بدون مشاكل ، جيه بعد فترة خصوصا لما جنش اتصاب بقي يقول كلام مريب اللي هو مين اللعيبة دي وانا مش هلعب معاهم اوقات يلم اللعيبة لوحده يطلب اوقات مرح في التمرين اللعيبة نفسها استغربته وانا قلتله لو كابتن الاسماعيلي بالعقلية دي والله لننزل درجة تانية
مجابش لينا ولا عرض ولا عندنا مشكلة اصلا في رحيله والله لو مش عاوز النادي احنا مش عاوزينه بس تصرفاتك كلها غلط للنادي اللي عملك وهتندم ع اللي عملته
متولي الحقيقة كان عكسه تماما جيه التمرين وورانا التقرير واتكلم معانا باحترام مصدرش مشاكل وعارف فضل النادي عليه ومأنكروش
اعتقد ان الموسم الماضي كان استثنائي والاسماعيلي سينافس ع كل البطولات الموسم القادم باذن الله بدعم الجمهور
