حسام البدري يكشف سبب وجود السعيد في معسكر المنتخب ويعدد مميزات أنجولا
تحدث حسام البدري، المدير الفني للمنتخب الوطني، عن استعدادات الفراعنة، لخوض مواجهتي أنجولا والجابون، ضمن منافسات تصفيات كأس العالم.
تصريحات البدري عن معسكر المنتخب
وقال البدري في المؤتمر الصحفي المعقد باستاد الدفاع الجوي:”لسه متكلمناش مع اتحاد الكرة في معاد الدوري الجديد، هفكر بعد نهاية مباراتي انجولا والجابون، الوقت لا يسمح بأي حاجة، لاعيبتنا عندها خبرات وكل التركيز في المباريات القادمة”.
تابع:” الوقت مش كافي قبل الماتشين لكن دي ظروف الأجندة الدولية، التباعد الزمني بين الأجندات الفترة اللي فاتت كان بيصعب الدنيا جدا، في متغيرات في فرقة انجولا، الهيكل بتاع أنجولا فيه تغيير كبير لأن المدرب برتغالي”.
أكمل:” أنا والجهاز اتفرجنا على بعض اللاعبين في انجولا، في كم كبير من اللاعيبة الجدد المميزين، في ٣ في الدوري الانجليزي وناس في فرنسا والبرتغال والسويد”.
واصل:”عبد الله السعيد وافشة موجودين علشان كل مركز لازم يكون فيه بدائل، عبد الله ممكن يلعب في اكتر من مكان وجوده مهم جداً وبنشوف مستواه في الدوري وفي نفس الوقت افشة مميز وهنقدر نستفيد بيهم لان عندي ماتشين، مش شرط العب كل ماتش بواحد يجوز جدا يبقوا مع بعض في الملعب”.
أضاف:” في عناصر كتير جيدة زي محمود صابر وعمار حمدي وابراهيم عادل لكن مش عاوز نغفل الخبرة لأنهم نجوم كانوا موجودين ومتالقين الفترة الأخيرة زي محمد عبد الشافي”.
أتم:” مفيش حاجة في الكورة اكبر من انك تبقى في كأس العالم سواء مدرب أو لاعب، عندنا لاعيبة موجودة لعبت كاس عالم ٢٠١٨، وارد جدا يكون في تغيير في طريقة اللعب والموضوع متوقف على هدفنا وامكانيات المنافس وده هيبقى فيه بعض التغييرات الفترة الجاية”.
اقرأ أيضا:
