رئيس الزمالك: أبوسنيدة عارض عليا ملايين عشان أسيب الزمالك
هاجم رئيس نادي الزمالك مرتضى منصور، نجم النادي الأهلي السابق وائل جمعة من جديد وذلك بعد أن قام الأخير بكتابة تغريدة عبر حسابه الرسمي على موقع التواصل الاجتماعي “تويتر”، يرد فيها بطريقة غير مباشرة على تصريحات رئيس النادي الأبيض ضده.
وقال مرتضى منصور خلال تصريحاته لقناة الزمالك الفضائية: “طول عمرك “خرم” يا وائل وكنت بتروح المنتخب مجاملة”.
وكشف رئيس الزمالك عن آخر الرسائل التي وصلته من الشخص المدعو “أبوسنيدة” “حسب ما يقول”، حيث قال: “أبوسنيدة عايز يشتريني، وعرض عليا 15 مليون دولار عشان أسيب النادي، و10 ملايين دولار لعدم الترشح في الانتخابات المقبلة”.
وتابع: “مليارات الدنيا لو اتعرضت عليا مش هبيع، أنا راجل وطني أتربيت على الشبع”.
وأكمل: “عايزني امشي عشان واحد تاني يمسك الرئاسة، ومكنتش عايز أنزل الانتخابات الجاية، واسرتي كانت بتقولي كفاية الفترة اللي فاتت، لكن بعد اللي بيحصل ده هنزل، وعايز دكر يجي ينزل قدامي في الانتخابات الجاية”.
وأضاف: “أنا لو هبيع هيبقى معايا فلوس أشتري ميسي، لكن مش هيحصل، أنا مش زي ناس الشيطان لعب في دماغهم بساعة، وجماهير الزمالك عليها أنها تفتخر برئيسها”.
إقرأ أيضاً
